एजेन्सी, २३ असोज । आगामी वर्ष रसियामा हुने विश्वकप फुटबलमा स्थान पक्का गरिसकेको इंग्ल्याण्डले छनौट चरणको अन्तिम खेलमा पनि जित निकालेको छ । युरोपियन क्षेत्रको छनौट अन्तर्गत समूह ‘एफ’ मा रहेको इंग्ल्याण्डले लिथुवानियालाई १–० ले हराउँदै आफ्नो अन्तिम खेलका जित निकालेको हो ।
इंग्ल्यानण्डका लागि ह्यारि केनले २७ औं मिनेटमा पेनाल्टी मार्फत गोल गरे ।
यसैबिच गएराति नै भएको खेलमा स्लोभेनियासँग २–२ को बराबरी खेलेको स्कटल्याण्डको सन् १९९८ पछि पहिलो पटक विश्वकप खेल्ने सपना टुटेको छ । बराबरीले स्कटल्याण्डको विश्वकप यात्रामा धक्का लाग्यो।
स्कटल्याण्डका लागि ग्रिफिट्सले ३२ तथा स्नोडग्रासले ८८ औं मिनेटमा गोल गरे । स्लोभेनियाका लागि बेज्जाकले ५२ र ७२ औं मिनेटमा गोल गरे ।
राति नै भएको खेलमा माल्टालाई ३–० ले हराएको स्लोभाकियाले गोलअन्तरमा स्कटल्याण्डलाई पछि पार्दै प्ले–अफमा स्थान बनाएको छ । स्लोभाकिया र स्कटल्याण्ड दुवैको १८ अंक भए पनि स्कटल्याण्ड गोलअन्तरमा पछि परेको हो ।
अन्तिम खेलमा इङ्ल्यान्डको जित, स्कटल्याण्ड बाहिरियो
0
Share.
Comments