काठमाडौं, २५ असार । नेपाली टिम औपचारिक रूपमा अन्तर्राष्ट्रिय फुटसल प्रतियोगितामा ‘एएफसी फुटसल च्याम्पियनसिप २०१८ छनोट’ मार्फत् प्रवेश गर्ने भएको छ । एसियाली फुटबल महासंघ एएफसीको प्रतियोगिताको छनोटमा नेपाली टिम दक्षिण तथा मध्यक्षेत्रको समूह ‘ए’ मा परेको छ । यस क्षेत्रको अर्को समूहमा डिफेन्डिङ च्याम्पियन इरान, ताजकिस्तान र अफगानिस्तान छन् । समूह विजेता र उपविजेता च्याम्पियनसिपमा छनोट हुनेछन् ।
छनोटका खेलहरू अक्टोबर १३ देखि २० सम्म इरानको ताबरिजमा हुने अखिल नेपाल फुटबल संघले बताएको छ । एएफसीका पूर्व, पश्चिम, दक्षिण–पूर्वी र दक्षिण–मध्य गरी चार क्षेत्रमा छनोट सञ्चालन हुनेछ । प्रत्येक क्षेत्रबाट ४–४ टिम फाइनल चरणमा प्रवेश गर्नेछन् । सहरहरूमा खेल मैदान घट्दै गएपछि दशकयता राजधानी काठमाडौं तथा मोफसलका सहरी युवामाझ फुटसल लोकप्रिय बनेको हो । विश्वमा फुटबल संघरमहासंघ नै फुटसलको पनि सर्वोच्च संस्था हुन् । फुटसललाई पनि अन्तर्राष्ट्रिय फुटबल महासंघ ९फिफा० र यसका सदस्यहरूले नियमन गर्दै आएको छ ।
फुटसलको विश्वकप फिफाले आयोजना गर्छ । एसियाली च्याम्पियनसिप एएफसीले सञ्चालन गर्छ । विश्वकप सन् १९८९ मा सुरु भएको थियो । ब्राजिलको वर्चस्व रहेको विश्वकपको आठ संस्करण भएको छ । यस प्रतियोगिता १९९६ यता चार–चार वर्षमा सञ्चालन भइरहेको छ । महादेशीय च्याम्पियनसिपको प्रदर्शनका आधारमा विश्वकपलाई टिम छनोट हुने गर्छ । एसियाली फुटसलको सर्वोच्च प्रतियोगिताले १८ वर्ष लाग्दा नेपालले पहिलोपल्ट सहभागिता जनाउन लागेको हो ।
Comments