काठमाडौं । नेपालमा कुनै पनि नयाँ कुरामा हात हाल्दा धेरै पटक सोच्नुपर्ने हुन्छ । तर पनि आत्मविश्वास र त्यो विषयमा राम्रो जानकारी छ भने त्यसबाट सफलता हात लाग्न धेरै समय लाग्दैन । नेपालमा फ्रेन्चाइजी फुटबल सुरु हुँदा धेरैलाई लागेको थियो यो प्रतियोगिताले नयाँ उचाई लिन्छ त भनेर हुन पनि त्यस्तै भयो, पहिलो संस्करणको नेपाल सुपर लिग कोभिडका कारण कठिन परिस्थिति हुँदा पनि सफल रुपमा आयोजना भयो ।
सो प्रतियोगितामा सहभागिता जनाएको एउटा टिम थियो, बिराटनगर सिटी एफसी । निजी लगानि भएपनि बिराटनगरकै नामबाट यो टिमको स्थापना गरिएको थियो । कारण फ्रेन्चाइजी लिग भएपछि आफ्नो क्षेत्रको पहिचान फुटबलबाट होस भनेर यो टिमले विभिन्न योजनाका साथ टिम तयार पारेको थियो ।
पहिलो संस्करण सकिएर अब दोस्रो संस्करणको तयारीमा लाग्दा, यो बीचमा निकै समय खाली नै थियो । तर विराटनगर सिटी एफसीले पूर्वका विभिन्न १४ जिल्लाका विकट गाउँमा पुगेर फुटबलका बारेमा चेतना जगाउनेदेखि केहि गतिविधि गरेको छ । यसको मुख्य कारण थियो, फुटबललाई स्थानिय स्तरमा पुर्याउने ।
नेपाल सुपर लिगमा सहभागि भएका सात टिम मध्ये केहि टिम खाली समयमा निकै सुस्त हुँदा बिराटनगर सिटी एफसीले भने आफ्नो सोसियल मिडियामा विभिन्न काम गरेको गतिविधिलाई जारी राखि रह्यो । यतिमात्र होइन, सो टिमले विभिन्न जिल्लामा पुगेर आफ्नो टिमको प्रचार मात्र होइन, सामाजिक सहयोगको पनि काम गर्यो ।
नेपालमा फुटबल खेल्ने चाहना राखेका लाखौं युवाहरु छन् । उनीहरुमा फुटबलको प्यासन यति छ की उनीहरु फुटबल खेल्नका लागि केहि घण्टा हिडेर नै पुग्छन् । त्यस्ता इच्छुकलाई पनि अझ प्रोत्सान गर्नका लागि बिराटनगरले सिटीले अभियान सुरु गरेको हो ।
बिराटनगरले आफ्नो टिमको प्रचार गर्ने लक्ष्यका साथै सोसियल मिडियाबाट आफूलाई बलियो रुपमा प्रस्तुत गर्ने रहेको थियो । यतिमात्र होइन, किशोर खेलाडीलाई प्रोत्सान गर्नका लागि पनि यो काम सुरु गरिएको हो ।
नेपालमा कुनै पनि प्रतियोगिता हुँदामात्र खेलाडीको चर्चा हुने र खाली हुँदा कमैले मात्र वास्ता गर्ने चलन नै छ । तर यसलाई तोड्का लागि पनि बिराटनगरले यो काम सुरु गरेको रुपमा पनि बुझ्न सकिन्छ ।
पूर्वका इलाम, पाँचथर, उदयपुर, झापा, खोटाङ, मोरङ, ओखलढुंगा, सोलुखुम्बु, सुनसरीमा बिराटनगर सिटी एफसीले युवा खेलाडीलाई प्रोत्साहन गर्ने लक्ष्यका साथ यो काम गरेको हो । जसका कारण पनि यो टिम यतिबेला पूर्वका गाउँहरुमा पुग्न सफल भएको छ ।
यसरी विभिन्न जिल्लामा पुग्नुको उदेश्य भविष्यमा एउटा राम्रो एकेडेमी स्थापन गर्न सक्यो भने ती जिल्लाहरुमा रहेका युवा ट्यालेन्टलाई सिकाउन सकिन्छ भन्ने चाहना टिमको छ ।
नेपालमा फ्रेन्चाइजी फुटबलमा लगानी गर्नु आफैमा पनि ठूलो चुनौती हो । किनकी सबै टिमको लक्ष्य उपाधि जित्ने हुन्छ भने त्यसका लागि धेरै नै रकम खर्च गर्नुपर्ने हुन्छ । तर सबै कुरा आर्थिकमा नै भरपर्छ । ब्यापारिक घरानाहरुको लगानी भएपनि उनीहरुलाई विभिन्न चुनौती नै हुनेगर्छ ।
यो सिजनमा नेपाल सुपर लिग आयोजकले टिमको संख्या १० पुर्याउने लक्ष्य राखेको छ । तर यो प्रतियोगिताको आधारलाई मजबुत बनाएर अगाडि बढेको खण्डमा यसले नयाँ खेलाडी उत्पादनमा ठूलो भूमिका खेल्नेछ । किनकी पहिलो संस्करणको एनएसएलपछि राष्ट्रिय टिमले चार पाँच युवा प्रतिभालाई राष्ट्रिय टिमले पाएको थियो । त्यसैले प्रतियोगिता हुँदा मात्र भन्दा पनि खाली समयमा पनि सबै टिमले फुटबल कै अरु गतिविधिलाई कायम राखे झन राम्रो हुने थियो ।
प्रकाशित मिति २०७८ माघ २७ बिहीबार
Comments