काठमाडैं । नेपाली राष्ट्रिय महिला क्रिकेट टोलीले कतारविरुद्धको टि–२० क्रिकेटको शृंखला जितेको छ । बुधबार भएको दोस्रो खेलमा नेपालले कतारलाई ६१ रनले पराजित गर्दै एक खेल अगावै शृंखला २–० ले आफ्नो पक्षमा पारेको हो ।
मंगलबार भएको पहिलो खेलमा पनि नेपालले कतारलाई ११९ रनले हराएको थियो ।
नेपालले प्रस्तुत गरेको १३० रनको लक्ष्य पछ्याएको कतार १९।३ ओभरमा ६८ रनमात्र बनाउन सक्यो ।
कतारलाई लक्ष्यमा पुग्न नदिन नेपालकी सरस्वती कुमारीले चार, रुबिना श्रेत्रीले दुई तथा संगीता राई, सबनम राई र कविता जोशीले समान एक विकेट लिए ।
यसअघि टस जितेर ब्याटिङ गरेकोे निर्धारित २० ओभरमा ६ विकेट गुमाउँदै १२९ रन बनाएको थियो ।
नेपालको जितमा कप्तान रुबिना क्षेत्रीको अर्धशतक बनाइन् । रुबिनाले ४८ बलमा चार चौका र एक छक्का मद्दतमा ५० रन जोडेकी हुन् ।
त्यस्तै ओपनर कविता कुँवरले ३१ र अप्सरी बेगमले अविजित २३ रन बनाए ।
नेपाल यतिबेला आइसिसी महिला टि–२० विश्वकपको एसियाली छनोटको तयारी छ । यसै सिलशिलामा नेपाली टोलीले कतार भ्रमणमा निस्किएको हो ।
प्रकाशित मितिः २०७८ मंसिर ०२ बिहिबार
Comments