काठमाडौं । इंग्ल्यान्ड र भारतबीचको चौथो टेस्ट आज बिहीबारबाट सुरु हुँदैछ, लन्डनको ओभलमा । टेस्ट सिरिज १-१ को बरारीमा छ र सिरिज खुबै रोमाञ्चक मोडमा छ ।
यस्तोमा अनुमान गर्न सकिन्छ, चौथो टेस्टमा गज्जबको प्रतिस्पर्धा हुनेछ । यो टेस्ट जिते, कुनै पनि टिमले सिरिजमा निर्णायक अग्रता लिन सक्नेछ ।
ट्रेन्ट ब्रिजमा भएको पहिलो टेस्ट बराबरीमा टुंगेपछि भारतले लर्डसमा भएको दोस्रो टेस्ट जितेको थियो । तर इंग्ल्यान्डले हेडिंग्लेमा भएको तेस्रो टेस्ट जितेर सिरिजमा ठोस पुर्नआगमन गरेको छ । अहिलेको सिरिज ब्याट र बलमा मात्र सीमित छैन्, दुवै टिम आक्रामक छन्, मैदान बाहिरबाट मानसिक युद्ध पनि लडिरहेका छन् ।
त्यसैले त हो, चौथो टेस्टमा निर्णायक प्रतिस्पर्धा हुन सक्ने छ । यो सबै पृष्ठभूमिमा दृष्यमा समेटिदै छन्, भारतका कीर्तिमानी अफ स्पिनर आर आश्विन । अहिलेसम्म भएका तीन टेस्टमा उनले खेलेका भने छैनन् । भारतीय टिमका सबैभन्दा बढी विश्वास गर्न योग्य बलरले नै अहिलेसम्म खेल्न नपाउनु अविश्वसनीय रहेको छ ।
भारतले चार फास्ट बलर र एक स्पिनरलाई खेलाउने नीति अपनाएको हुनाले पनि केही हदसम्म आश्विनले स्थान नपाएका हुन् । अहिलेसम्म रविन्द्र जडेजाले स्पिनरको भूमिका निभाइरहेका छन् । नत्र आश्विन कम्तीका खेलाडी होइनन् । यी स्पिनरले अहिलेसम्म ४ सय १३ विकेट लिइसकेका छन् र अनि उनको नाममा छ, पाँच शतक पनि ।
उनी पक्का अलरान्डर हुन् । सायद अब चौथो टेस्टमा उनले पक्कै स्थान पाउने छन् र उनको स्थानमा टिमबाट आफ्नो स्थान गुमाउन सक्नेछन्, इशान्त शर्माले । इशान्त लर्डसमा विकेटविहीन रहे । फेरि आश्विनको ओभलमा अहिलेसम्मको प्रदर्शन उत्कृष्ट पनि छ र भनिन्छ, ओभलको पिचले स्पिनरलाई मदत पनि गर्छ । त्यसैले फेरि एकपल्ट आश्विन र जडेजाको जोडी देख्न पाइनेछ कि ? एएफपी
प्रकाशित मितिः २०७८ भाद्र १७ बिहिबार
Comments