सुरक्षाका कारण वासिंगटन डिसीस्थित क्यापिटल बिल्डिङ लकडाउन

0

काठमाडौं। नवनिर्वाचित राष्ट्रपति जो बाइडेनले शपथ ग्रहण गर्नुअघि सुरक्षाका कारण वासिंगटन डिसीस्थित क्यापिटल बिल्डिङ लकडाउन गरिएको छ ।

अमेरिकी कांग्रेसको घर भनिने क्यापिटल बिल्डिङमा ६ जनवरीमा राष्ट्रपति डोनाल्ड ट्रम्पको समर्थकले हिंसा मच्चाउँदा पाँच जनाको मृत्यु भएको थियो ।

यस्तै जो बाइडेनको पदभार ग्रहणको रिहर्सल पनि स्थगित गरिएको छ । बाइडेनको शपथअघि सुरक्षा व्यवस्था अत्यन्तै कडा बनाइएको छ भने हजारौं नेशनल गार्ड तैनाथ गरिएको छ ।

प्रत्यक्षदर्शीले क्यापिटल नजिकै धुवाँ उड्दै गरेको देखेको बताएका छन् । वासिंगटन फायर सर्भिसले नजिकै आगलागीको घटना भएको र त्यसलाई नियन्त्रणमा लिइएको जनाएका छन् ।

क्यापिटलका कर्मचारीलाई उच्च सतर्कतामा रहन आग्रह गरिएको छ भने कोही भित्रबाहिर गर्न नसक्ने गरी बन्द गरिएको छ। एजेन्सी

प्रकाशित मितिः २०७७ माघ ६ मंगलबार

Comments

comments

Share.
Loading...

Comments