ओली–दाहाल भेटवार्ता सम्पन्न, आजको छलफल पनि निष्कर्षविहिन

0

काठमाडौं । सत्तारूढ नेपाल कम्युनिष्ट पार्टी (नेकपा) का अध्यक्षद्धय केपी शर्मा ओली र पुष्पकमल दाहालबीचको भेटवार्ता सम्पन्न भएको छ । बालुवाटारमा भएको भेटवार्तामा मन्त्रिमण्डल पूनर्गठनबारे ठोस सहमति हुन सकेन । पछिल्लो समय अध्यक्षद्धयबीच मन्त्रिमण्डल पूनर्गठनबारे लगातार छलफल भैरहेको छ । आज प्रधानमन्त्रीको सरकारीनिवास बालुवाटारमा भएको तीन घन्टा लामो छलफलमा पनि सहमति जुट्न नसकेपछि छलफल निष्कर्षविहीन बन्न पुगेको हो ।

प्रधानमन्त्री ओलीले कार्यसम्पादन राम्रा भएका मन्त्रीहरुलाइृ हटाउन नहुने अडान लिएका छन् । तर, दाहालले अधिकांशलाई हटाउनुपर्ने बताएका छन् । राष्ट्रियसभा सदस्यहरु वामदेव गौतम र नारायणकाजी श्रेष्ठलाई पनि मन्त्री बनाईनुपर्ने दाहालको जोड छ । हालै बसेको नेकपा सचिवालय बैठकले मन्त्रिमण्डल पूनर्गठन र पार्टी एकताका बाँकी काम सम्पन्न गर्नको लागि अध्यक्षद्धय ओली र दाहाललाई जिम्मेवारी दिएको छ ।

प्रकाशित मितिः २०७७ असोज १३ मंगलबार

Comments

comments

Share.
Loading...

Comments