‘हिमालयन अन्तर्राष्ट्रिय अवार्ड’को तयारी

0

काठमाडौँ । वुमेन्स एरा एण्ड मिडिया ग्रुपको आयोजनामा ‘हिमालयन अन्तर्राष्ट्रिय अवार्ड’को दोस्रो संस्करण हुने भएको छ । अवार्डका लागि आयोजकले आवदेन आव्हान गरेका छन् । ‘भाषा, साहित्य कला संस्कृतिका सर्जकको सम्मान, हाम्रो एक अभियान’भन्ने मूल नाराका साथ आयोजना गरिएको अवार्डका लागि आवेदन आव्हान गरिएको हो ।

अवार्ड संयोजक गीता अधिकारीका अनुसार आगामी माघको दोस्रो साता हुने अवार्डका लागि मंसिर १० गतेबाट आवेदन फारम खुला गरिएको छ । अवार्डमा राष्ट्रिय भावका गीतसँगै पप, फिल्मी गीत, लोकदोहोरी, आधुनिक, बालगीत, डायस्पोरा र रिमिक्सलाई समावेश गरिएको छ ।

आयोजक संस्थाका अध्यक्ष गणेश सुवेदीले अवार्डमा साहित्य विधातर्फ पनि अवार्ड प्रदान गरिने बताए । उनका अनुसार सन् २०२१ जनवरी १ देखि २०२१ डिसेम्बर ३० सम्म ९एक वर्ष भित्रमा० बजारमा आएका उत्कृष्ट कथा, उपन्यास, निवन्ध, र नियात्रालाई अवार्ड प्रदान गरिने छ ।

आयोजक समितिका निर्देशक भीष्मराज फुलाराले यही अंग्रेजी वर्ष भित्रमा बजारमा आएका गीत तथा भिडियोहरूलाई अवार्डमा समावेश गरिने उल्लेख गर्दै गीत तथा सिर्जनाहरू दर्ता गर्नको लागि आवेदनको अन्तिम म्याद पौष २५ गते सम्मको लागि निर्धारण गरिएको बताए ।

अवार्डमा लाईफ टाइम अचिभमेन्ट अवार्ड, संगीतकर्मी विशेष सम्मान र पत्रकारिता सम्मान पनि प्रदान गरिनेछ ।

प्रकाशित मितिः २०७८ मंसिर १० शुक्रबार

Comments

comments

Share.
Loading...

Comments